Amăng mông hơmâo tơlơi truh, rơdêh prong hơmâo mrô 43C-145.16 yua Nguyễn Quang Nhãn, 32 thun, dŏ ƀơi să Quế Châu, tơring glông Quế Sơn, tơring čar Quảng Nam mơgăt, đuăi mơ̆ng Quảng Nam nao pơ Kon Tum truh pơ jơlan čun čoe Lò Xo, črăn jơlan Km1420+170 gah plơi Măng Khênh, să Đăk Man, tơring glông Đăk Glei, tơring čar Kon Tum tŭ kơ hơmâo tơlơi truh.

Ƀơi anih hơmâo tơlơi truh brơi ƀuh rơdêh ôtô pơgiăng gơnam yua Nguyễn Quang Nhãn mơgăt pơđuai trun, tlă nao amăng bơnư̆ pơđoh ia ƀơi lan. Tơlơi truh anai ngă pô mơgăt Nguyễn Quang Nhãn wơ̆t hăng pô kiăo tui Nguyễn Tấn Toàn, 25 thun dŏ ƀơi să Quế Châu, tơring glông Quê Sơn, tơring čar Quang Nam djai hlao ƀơi anih, rơdêh răm rai kơtang. Tui anun, kơnong amăng 4 hrơi đôč, ƀơi tơring čar Kon Tum hơmâo 3 wơ̆t tơlơi truh ƀơi jơlan glông, ngă răm rai kơtang biă, ngă kơ 4 čô mơnuih djai hăng 26 čô mơnuih rơka.