Hră lăi pơthâo brơi ƀuh, Ping gah tơring čar Kon Tum hơmâo kơsem min, pơsit tong, ba tơbiă ha amăng plĕ hơdôm tơlơi pơkă, tơlơi črâo ba amăng pơhlôm djơ̆ tơlơi glăm ba, djop boh tơhnal, djop mơta amăng djop bruă lăp djơ̆ hăng tơlơi sit nik ƀơi ƀon lan, anom bruă hăng huăi phara hăng tơlơi pơkă mơng Ping gah kah hăng hơdôm hră pơ-ar mơng gưl glông.

Mơng bruă pel ĕp, krăo lăng, Khul apăn bruă Ping gah tơring čar Kon Tum hơmâo bơtơhmal 7 čô mơnuih apăn bruă Ping gah; gưl Ping gah tơring glông hăng hơdôm anih anom pơsir kơđi tơlơi 5 grup Ping gah hăng 693 čô mơnuih Ping gah…Amăng mông jơnum khua mua lĕ ƀing ding kơna Khul apăn bruă Ping gah tơring čar Kon Tum hơmâo đing nao pơčrông sai, ngă rơđah sa, dua mơta bruă, anŏ aka ƀu klă, tơlơi ba truh laih dong hơmâo tơlơi găn rơgao amăng bruă pơjing Ping gah rơwang thun 2020-2025 hăng lăng glăi 15 thun ngă tui tơlơi pơkă mơng Ping gah.