Amăng abih bang kual lŏn prong rơbêh kơ 56.000 ektar glai mă mơ̆ng tơring glông Sa Thầy truh pơ̆ tơring glông Ngọc Hồi, tơring čar Kon Tum, Grŭp wai lăng Glai lŏn ia Čư̆ Mom Ray pơsit năng ai ñu 20.000 ektar, amăng anun hmâo 250 ektar glai kyâo pla glăk bŏng glăi tơlơi amra apui ƀong hơbin ƀu thâo ôh.

Ơi Đào Xuân Thuỷ, Khua Grŭp wai lăng glai lŏn ia brơi thâo, anom glăk iâo pơhrui, djă pioh đut hlah khul pơgang apui ƀong glai, biă ñu ƀơi hơdôm kual glai hmâo đang rok, glai plah nao rai phun pơ-ô, djrao hăng glai kyâo pla. Khul pơgang glai ƀơi anăp 72 čô mơnuih, hmâo pơpha hyu pơ 14 bôh anom dô̆ gak hăng 21 anih pơdŏng pioh wai lăng. Pơkĕ hrŏm hăng lăi pơhing, pơsur, pơtă mơnuih ƀôn sang ƀu mă yua apui, ƀu čuh đang hmua amăng mông hang pơ-iă pioh plai ƀiă đut hlah hơdôm tơlơi apuih ƀong ngă. Anom mă yua Flycam pioh lăng tui rim hrơi thâo tañ, mơ̆ng ataih hơdôm tơlơi amra hmâo pioh pơsir apui ƀong hmao tlôn./.