Hră pơđok ƀơi mông ngă lơphet lăi pơtŏng: “Pran jua blah ayăt, djai drơi pô mơng ling tơhan Trung đoàn 209 ƀơi Čư̆ Tan Kra blan 3/1968 jing gru rơđah bơngač na nao mơng pran jua khăp kơ lŏn ia, pran jua khin hơtai, tơlơi pơmin khăng kar boh pơtâo, khŏm blah dưi. Pran jua anun hơmâo ba jơlan yua hơmâo tơlơi git gai rơgơi, djơ̆ mơng Ping gah hăng Khua mir sir Hồ Chí Minh kiăng ƀing ta hơmâo sa lŏn ia rơngai, tơlơi hơdip yâo mơ-ak”.

Lăp hơdor kơ hơdôm tơlơi gum djru mơng ling tơhan plơi prong jưh jom Hà Nội blah ayăt hăng djai pơsăn drơi ƀơi kual lŏn Kơdư Kon Tum, thun 2011 Anom bruă git gai tơhan Quân Khu Thủ đô, Anom bruă pơtruh nao rai Trung đoàn 209 hơmâo man pơdong Gong kut hơ-ŭ kơ ling tơhan Čư̆ Tan Kra. Jơnum min mơnuih ƀon sang tơring čar Kon Tum hơmâo jŭ yap Điểm cao 995 - Čư̆ Tan Kra jing Gru đưm gưl tơring čar.