Kiăng kơ tal pơplông rơnuk rơnua, tơpă ară, tŭ yua, truh mông anai Khul git gai tal pơplông abih anih 12 tơring čar Kon Tum thun 2023 hơmâo pơphun hyu sem lăng bruă prăp rơmet ƀơi 12 bit anih pơplông, čih pơkra, in tơlơi pơplông; pơphun pơtô hrăm glăi kơ bruă hyu sem lăng tal pơplông abih anih 12 kơ ƀing nai pơtô, khua mua mă bruă pơphun pơplông, lăng anih pơplông, čom puang  pơplông. Hrom hăng gơnong bruă Pơtô hăng pơjuăt git gai djop sang hră, anih pơphun tal pơplông, boh nik ñu anih hơmâo lu čơđai sang hră hăng amĭ ama čơđai sang hră pơplông mơnuih djuai ƀiă kiăng thâo tong ten.

Tal pơplông abih anih thun anai, tơring čar Kon Tum hơmâo 5.024 čô, đĭ tui 273 čô pơkă hăng thun hlâo. Amăng anun, rơbêh 4.800 čô čơđai pơplông abih anih 12 hrăm sang hră phun hăng 160 čô hrăm pơ sang hră pơtô re se. Mrô čơđai sang hră djuai ƀiă pơplông abih anih 12 thun anai 1.700 čô, ƀing nao pơplông rơngai lĕ 220 čô. Tơring čar Kon Tum hơmâo akŏ pơjing 12 bit anih pơplông, amăng anun 5 bit anih amăng plơi prong Kon Tum, 7 bit anih pơplông ƀơi hơdôm tơring glông laih anun mrô mơnuih ĕp lăng mă bruă wai lăng anih pơplông, mông pơplông djop anih abih bang 900 čô nai.