Ƀơi plơi prong Kon Tum, Grŭp črâo ba 35 Ping gah tơring čar Kon Tum pơphun Jơnum pơhrăm sa dua akô̆ bruă pơgang phun akha tơlơi pơmin mơng Ping gah thun 2023 kơ Khua git gai, mơnuih juăt bruă hơdôm bôh ƀirô pơphô brơi djru bruă Ping gah tơring čar, Khul pơ ala mơnuih ƀôn sang, Jơnum min mơnuih ƀôn sang, Jơnum min djop djuai ania mơnuih mơnam dêh čar Việt Nam tơring čar; hơdôm khul grŭp kơđi čar – mơnuih mơnam hăng ding kơna Grŭp črâo ba, Grŭp juăt bruă, Grŭp čih pioh djru bruă Grŭp črâo ba mrô 35 gưl tơring glông hăng tơring čar Kon Tum.

Pơphun amăng sa hrơi ha mơkrah hăng pơphun mơng čơtlăm lơ 29/5, Jơnum pơhrăm sa dua akô̆ bruă pơgang phun akha tơlơi pơmin mơng Ping gah thun 2023 yua kơ Grŭp črâo ba 35 Ping gah tơring čar Kon Tum pơphun kiăng pơđĭ tui tơlơi pơmin bruă kơđi čar, bruă gơgrong mơng mơnuih apăn bruă, mơnuih ping gah phing pran đăo gơnang, ngă tui klă hơdôm hơdră pơtrun, jơlan gah mơng Ping gah amăng rơwang phrâo; prăp lui dong bôh thâo kơ mơnuih git gai, khul pơphô bruă thâo, hmâo hơdră pơsir hơdôm tơlơi rung răng mơnuih mơnam kiăng gơgrong hlâo mă yua hơdôm jơlan gah rơđah kiăng ngă tui ba glăi bôh tơhnal hơdôm bruă kơđi čar ƀơi plơi pla, anom bruă./.