Kon Tum pơkiăo nao lu mơnuih pơkra glông hrĕ apui lơtrik 500 KV
Thứ năm, 08:50, 30/05/2024
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai-Ngă tui tơlơi git gai mơng Grup apui lơtrik Việt Nam hăng Kông ti phun apui lơtrik kual tong krah, mơguah lơ 29/5, kông ti apui lơtrik Kon Tum pơphun pơkiăo nao mơnuih djru pơkra glông hrĕ apui lơtrik 500 KV ară 3 mơng Quảng Trạch (Quảng Bình) nao pơ Phố Nối (Hưng Yên).
Anai lĕ ring bruă phun kơ dêh čar hăng tui tơlơi rơkâo mơng Khua dêh čar kaih hloh truh lơ 30/6/2024 amra pơgiong ring bruă anai kiăng pok mă yua apui lơtrik brơi kual kơdư. Ƀing mơnuih pơkiăo nao djru bruă mơng kông ti apui lơtrik Kon Tum hơmâo 15 čô.
Ƀing pô anai arăng jao pơdong gong apui lơtrik ƀơi anih mrô 374, amăng să Nghi Văn, tơring glông Nghi Lộc, tơring čar Nghệ An. Ơi Nguyễn Văn Hạnh, Khua kông ti apui lơtrik Kon Tum brơi thâo, anom bruă hơmâo tŭ mă tơlơi črâo ba, anih ngă tui bruă jao kiăng ruah mơnuih hăng hơdră pơkra brơi djơ̆ hăng tơlơi sit nik. Anom bruă hơmâo prap lui rơdêh, măi mok, gơnam tam kiăng pơkra amăng mơmŏt mlăm.
Viết bình luận