Bơhmu hăng thun hlâo mrô prăk pơsir pioh mă yua kơ bruă hrom mơng tơring čar Kon Tum ƀiă. Rơđah biă ñu yap truh rơnuč blan 2, đơ đam tơring čar kơnong kơ pơsir hmâo năng ai ñu 190 klai prăk, akă hmâo 7% bơhmu hăng kơčăo bruă.

Bôh than lĕ hơdră phiăn, tơlơi ngă tui akă tơpă; ngă gun amăng pơsir lŏn mă yua, lŏn dron, kông ngăn dlai tlô. Kiăng pơtrut tañ rơnoh prăk mă yua, Jơnum min mơnuih ƀôn sang tơring čar Kon Tum glăk khut khăt pok pơhai ngă tui lu jơlan pơsir, kah hăng: kơtưn hơdră pơkă, bruă ngă tui pơsir prăk tuh pơplai bruă hrom; ngă klă bruă prăp lui tuh pơplai; ngă tui hơdră pơpha bruă, gum hrom rơđah, biă ñu tơlơi dưi, bruă gơgrong kơplah wah hơdôm ƀirô, anom bruă amăng bruă ngă giong hră pơ-ar tuh pơplai rơwang bruă; pơtrut tañ rơnoh bruă pơsir anih mă yua pơdŏng, rơnoh pơkra, pơtlaih tơlơi tơnap, tơlơi gun gah lŏn drŏn./.