Amăng mông bưp, ơi Nguyễn Xuân Thắng hơmâo pơlăi nao rai kơ hơdôm jơlan gah amăng pơjing Chủ nghĩa xã hội ƀơi Việt Nam; lăi pơtong hơdră bruă pơlăi nao rai gah lý luận lĕ akŏ phun amăng tơlơi rô nao rai kơplah wah dua Ping gah; rơkâo dua Ping gah kơtưn ngă hrŏm, pơgôp ngă mơ-ak klă tui tơlơi rô nao rai ngă hrŏm djop mơta Việt Nam hăng Japan yua kơ tơlơi rơnuk rơnua hăng pơdrông asah amăng kual Asia.

Dua bơnah hơmâo pơlăi nao rai hơdôm hơdră ngă hrŏm pơ anăp, amăng anun tŭ ư pơbưp nao rai khua mua; kơtưn pơlăi nao rai tơlơi pơhing, tơlơi găn rơgao amăng pơjing Ping gah, lý luận hăng sit nik amăng bruă pơjing Chủ nghĩa xã hội, amăng anun hơmâo ngă tui tŭ yua hơdôm hơdră pơlăi nao rai gah lý luận kơplah wah dua Ping gah; pơlăi nao rai tơlơi pơhing hăng gum hrŏm kjăp amăng hơdôm mông jơnum bơkơtuai jar kmar, hăng amăng kual.