Hră lăi pơthâo amăng mông jơnum brơi ƀuh tơlơi rô nao rai bruă kơđi čar kơplah wah dua boh dêh čar tŏ tui hơkrŭ kjăp; hơdôm tơlơi pơkôl gưl prong hơmâo pok pơhai klă, lơm bruă ngă hrŏm gah ling tơhan, pơgang rơnuk rơnua tŏ tui lĕ akŏ phun. Djop ding jum, gơnong bruă, gong gai ƀon lan hăng anom bơwih ƀong sĭ mơdrô dua bơnah hơmâo pơčrông sai lu hơdră bruă kiăng hrưn đĭ klă amăng ngă hrŏm rơwang thun 2026-2035.

Kơ-iăng Khua dêh čar rơkâo hơdôm anom bruă bơdjơ̆ nao pơtrut kơtang ngă tui hơdôm tơlơi pơkôl, akŏ bruă ngă hrŏm hơmâo kĭ; ječ ameč kơsem min, lăi pơthâo akŏ bruă tuh pơ alin pơprong mơng anom bơwih ƀong sĭ mơdrô Việt Nam ƀơi dêh čar Lao amăng hơdôm bruă mă gơnam amăng atur lŏn, ngă hmua hăng pla phun kyâo sui thun. Laih dong, pơtrut tañ hơdôm akŏ bruă tơkuh nao rai jơlan glông phun anun lĕ jơlan rơdêh đuăi hmar Hà Nội-Vientiane hăng jơlan rơdêh treng Vũng Áng-Vientian.