Hơdră anai iâu klah čun lĕ “Tick mơtah glăm ba” yua ƀôn prong Hồ Chí Minh pok pơhai mơ̆ng blan 3/2024. Tơhnal pơkă anăp nao ngă hmua pla añăm rơ̆k, añăm pơtam hơdjă rơgoh, rơnuk rơnua, kơnang kơ anih sĭ mơdrô tui hăng tơlơi rŏng kiăng ngă hrŏm, pơhaih tơpă hăng djơ̆ lăp. Jơnum anai hơmâo pơsit, hơdră anai lĕ hơmâo tŭ mă lu tơlơi kiăng ngă hrŏm, lăng yom mơ̆ng djop sang bruă pla pơjing gơnam sĭ mơdrô kiăng ngă tui hơdră ĕp lăng tong ten gơnam sĭ mơdrô hăng lăng anai jing anŏ gêh găl pơđĭ kyar anih anom sĭ mơdrô, pơđĭ tui hơnơ̆ng pơhno sĭ mơdrô tơpă.

Truh ră anai, hơdră hơmâo 8 boh sang sĭ mơdrô anet, siêu thị pơprong amăng dêh čar tŭ ư hrŏm, nao hlâo ngă tui, gơgrong ba amăng bruă blơi pơmut hăng pơpha hyu gơnam sĭ mơdrô hơdjă rơgoh. Ƀrô djơ̆ tal anai, ƀôn prong Hồ ChíMinh, djop tơring čar kual Dap Kơdư hăng 8 boh sang bruă sĭ mơdrô raih daih hơmâo kĭ hră pơkôl ngă hrŏm pel ĕp tong ten gơnam sĭ mơdrô. Amăng anun, djop tơring čar kual Dap Kơdư gơgrong ba djru kơ sang bruă sĭ mơdrô ngă hrŏm hơdră “Tick mơtah glăm ba” ba gơnam sĭ mơdrô tŭ yua hiam pioh hyu pơpha sĭ mơdrô.