Tui hăng Hră pơtrun mơ̆ng Khua mir sir kơ bruă pok mơnă thun 2025, ƀing mơnă amra pok hlâo kơ truh thun glăi thun 2025 hơmâo: ƀing mơnă arăng krư̆ kơđol pơkă thun blan, mơnă krư̆ ƀu pơkă thun blan, dưi pơhrŏ hĭ thun krư̆ amăng sang mơnă laih anun pok hlâo kơ thun pơkă kơ ƀing mơnă gưt hiăp ngă djơ̆ tơlơi phiăn. Pơhiăp amăng mông jơnum, ơi Phạm Thanh Hà, Kơ-iăng khua anom bruă khua mir sir lăi pơtong, mơ̆ng thun 2009 truh ră anai, Kơnuk kơna pơphun 10 wơ̆t tal pok mơnă amăng hơdôm hrơi hơdor yom kơ lŏn ia, hrơi ngă yang prong hơmâo pok brơi 100.000 čô mơnă, ƀing gưt hiăp, gir ngă djơ̆, hrăm tui tơlơi pơtô jing mơnuih săng hăng tơpă tañ glăi hăng sang anŏ, plơi pla.

Boh tơhnal pok mơnă, khom ngă djơ̆ tơlơi pơtrun kơđi čar, tơlơi phiăn, bruă pơtom hiăp dưi hơmâo mơnuih ƀôn sang amăng dêh čar dong yua laih anun jar kmar ăt bơni mơ̆n; kiăng pơtong rơđah jơlan hơdră mơ̆ng ping gah, tơlơi phiăn kơnuk kơna pơtrut ngă tui bruă pơgang tơlơi dưi ană mơnuih kiăng bơkơnar, djop mơnuih ƀôn sang, wơ̆t hăng ƀing hlăk tŭ tơlơi krư̆ kơđol amăng sang mơnă hai, ăt lăng bơkơnar soh. Hăng hră pơtrun pap brơi, pok mơnă mơ̆ng Khua mir sir, hơdôm hơpluh rơbâo čô mơnă hok mơak dưi tŭ mă tơlơi pap, pok mơnă glăi hăng sang anŏ, phung wang, plơi pla pô ngă glăi hiam tơpă tơlơi hơdip mơda phrâo.