Pơhiăp ƀơi mông jơnum, Khua git gai ping gah Khul djop anom bruă kơnuk kơna gưl dêh čar, ơi Nguyễn Văn Thể brơi thâo, bruă ngă tui hơdră lăi pơthâo mơnuih či ruah ngă ding kơna ƀu sit nik kơ khul apăn bruă ping gah dêh čar jing sa bruă mă yôm biă mă, djru amăng bruă akŏ pơdong glăi khul mơnuih apăn bruă ngă khua kơ ping gah.

Lăi pơtong, hơdôm tơhnal pơtrun lăi pơthâo mơnuih apăn bruă ping gah ƀu sit nik tal XIV, rơwang bruă thun 2026-2031, Khua git gai ping gah Khul djop anom bruă kơnuk kơna gơnong dlông lăi, pô arăng lăi pơthâo đĭ khom hơmâo pran jua hiam klă, tơpă kơđi čar, tơlơi dŏ dong ƀong huă djơ̆ rơ-ua, tơlơi pơmin hiam, ngă bruă djơ̆; ba jơlan hlâo na nao amăng bruă mă, ngă tui djơ̆ tơlơi pơtrun, jơlan hơdră ping gah, tơlơi phiăn dêh čar, khom glăm ba amăng bruă mă, git gai hăng pơphun bruă mă kiăng pơsir bruă jao. Ƀơi mông jơnum, ƀing khua mua plĕ hră lăi pơthâo kơ sa čô mơnuih mơ̆ng anom bruă ping gah Khul pioh ruah ngă ding kơna ƀu sit nik kơ khul apăn bruă ping gah dêh čar tal XIV, rơwang bruă thun 2026-2031.