Grup khua yua kơ ơi Trần Việt Trường, Kơ-iăng khua Jơnum min djŏp djuai ania mơnuih mơnam Việt Nam ngă Kơ-iăng khua grup hơmâo lăi pơthâo pel ĕp 4 mơta bruă bơdjơ̆ nao bruă ngă tui Tơlơi pơtrun mrô 18, Tơlơi tum pơƀut mrô 121 kơ pơplih phrâo anom bruă kơnuk kơna; Tơlơi pơčrâo trun mrô 35 kơ jơnum ruah khua ping gah djŏp gưl; Tơlơi pơtrun mrô 57 kơ đĭ kyar boh thâo ia rơgơi hăng pơplih yua mrô laih anun Tơlơi tum pơƀut 123 kơ đĭ kyar bơwih ƀong huă - mơnuih mơnam thun 2025 gơñăm nao đĭ kyar hơmâo 8% truh kơ lu hloh.

Hrơi blan rơgao, tơring čar Dak Lăk hơmâo pok pơhai lu hơdră hơbôt anom bruă kơnuk kơna, hrŏ trun 6 gơnong bruă, 35 anom bruă gưl tơring glông hăng 283 boh plơi pla. Tơring čar ăt pơplih bruă ngă hră pơ-ar, mă yua boh thâo pôr pơhing hăng pơplih mă yua mrô đah mơ̆ng gêh gal ƀiă kơ bruă đĭ kyar. Hăng tơlơi kiăng đĭ kyar bơwih ƀong hơmâo 8% thun 2025, Dak Lăk glăk lăng glăi abih bang mơnuih mă bruă, prăk kăk, pơsir brơi tơlơi gun, ngă hruaih brơi tơlơi dŏ kơđông hăng pơplih hơdôm rơnoh pơkă bơwih ƀong huă - mơnuih mơnam./.