Ƀơi hơdôm boh sang hră amăng phương Tiến Thành (kual plơi prong Phan Thiết, Bình Thuận hơđăp), hơdôm tơlơi tơnap tap amăng yua măi mok phrâo glăk hơmâo pơsir hĭ kiăng ba glăi tŭ yua sit nik ƀiă dong. Abih bang sang hră gưl I, gưl II lêng kơ hơmâo anih pơtô măi komputơr pơhlôm brơi djop măi mok, măi pơčrang, loa, tivi pơdah. Anih pơđok hră hơmâo măi komputơr kiăng kơ ĕp lăng hơdôm hơdrôm hră, tơlơi anai ngă gêh gal ƀiă. Ƀing nai pơtô hơmâo mă yua măi mok amăng bruă pơtô brơi, pơjing jơlan hơdră pơtô hrăm amăng măi mok. Plih hĭ kơƀang jŭ čur kô̆, bruă pơtô hrăm mơng nai Doãn Kim Trúc, nai pơtô ƀơi sang hră gưl I Đức Long, phương Tiến Thành hơmâo dưm pioh amăng măi mok, rup rap, video. “Kâo pô ăt tui anun mơn, lơm ƀing ta hrăm mơ̆ hơmâo rup rap, amra ngă pơhưč kiăo tui lăng, ngă mơnuih hrăm hor biă mă. Sa, dua čô čơđai aka ƀu juăt hăng anih hrăm gưl I, hơdôm tơlơi pơtô tui anai amra ngă ƀing gơñu ƀơƀrư̆ juăt tui”.

Sang hră gưl I Đức Long, phương Tiến Thành hơmâo pơdong dua anih, yua kơ hơmâo măi mok pơƀuh nao rai anun ngă bruă wai lăng ƀing apăn bruă, nai pơtô, mơnuih mă bruă hăng čơđai sang hră ăt gêh gal ƀiă hluai tui hơdôm grup mơnuih mơnam. Ơi Võ Thanh Long, khua sang hră gưl I Đức Long, phương Tiến Thành brơi thâo: “Sang hră hơmâo mă yua măi mok phần mềm ứng dụng amăng lu bruă anun lĕ, bruă wai lăng hră pơ-ar, măi duh prăk mơng ƀing amĭ ama čơđai hăng ƀing amĭ ama hơmâo duh prăk hluai tui măi mok soh. Sang hră hơmâo kơtưn dưm pioh ƀơi sang pơđok hră pă boh măi komputơr kiăng ƀing čơđai dưi ĕp lăng tơlơi pơhing ƀing gơñu kiăng amăng Google kiăng kơ thâo pơhrua dong”.

Hơdôm boh sang hră pơkŏn ƀơi phương Tiến Thành ăt hơmâo mă yua măi mok mơng wai lăng ƀing čơđai, jao brơi tơlơi hrăm, čih jơlan hơdră pơtô truh pơ pơphun pơtô hrăm ƀơi sang hră. Sit biă ñu, bruă mă yua măi pơčrang hăng hơdôm gơnam măi mok amăng hơdôm mông hrăm djru brơi bruă pơtô pơblang ƀuh ƀơi anăp, ngă tañ hluh hăng hơdor brơi kơ ƀing čơđai. Ơi Phạm Thái Hùng, kơ-iăng Khua sang hră gưl II Nguyễn Đình Chiểu brơi thâo, hlâo anun hơdôm tơlơi pơhing mơng sang hră hơmâo čih pioh amăng hră pơ-ar, ră anai djop hră pơ-ar lêng kơ dưm amăng măi mok hăng amăng plang VNPT. “Sang hră ăt glăk kơsem min hơdôm phần mềm hơpă kiăng yua klă, rơgêh hăng hơgŏm laih dong pơmĭn lăng tơdah gêh gal, bruă wai lăng ƀing čơđai djă măi telephôn nao sang hră kiăng kơ yua amăng bruă hrăm amra ngă hiưm pă ñu. Yua ƀing čơđai sang hră ƀơi anai sang anŏ tơnap tap, ƀu djơ̆ sang anŏ hơpă lêng kơ hơmâo măi telephôn rơgơi kiăng ană bă dưi yua amăng hrăm hră. Samơ̆ tơdah dưi brơi ƀing čơđai ngă tơlơi pơplông amăng măi komputơr ƀudah măi telephôn amra ngă amuñ brơi ƀing čơđai”.

Hơdôm boh sang hră ƀơi Tiến Thành čang rơmang, kiăng bruă pơplih mrô sit nik hăng tŭ yua ƀiă, gơnong bruă bơdjơ̆ nao kiăng tŏ tui pơphun pơtô hrăm kiăng thâo ƀiă amăng bruă mă yua măi mok mơng ƀing nai. Laih dong hơmâo hơdră djru brơi hơdôm phần mềm yua duh prăk. Hrŏm hăng anun, hơdôm tơlơi pơhing hră pơ-ar kơ mơnuih mơnam tañ pơplih pơkra, ngă brơi djơ̆ kiăng hơdôm boh sang hră pơgiong hră pơ-ar brơi ƀing čơđai./.