Tui hăng anun, ơi Huỳnh Ngọc Anh, Khua anom bruă pơgăn hưp ham ƀong kông ngăn amăng ping gah tơring čar, dưi jao ngă kơ-iăng khua git gai ping gah anom bruă ping gah djop sang bruă kơnuk kơna ƀơi tơring čar, rơwang bruă thun 2025-2030. Ơi Nguyễn Văn tám, Khua ping gah, khua jơnum min pơ ala mơnuih ƀôn sang phường Phan Thiết, glăi ngă khua anom bruă pơgăn hưp ham ƀong kông ngăn amăng ping gah tơring čar.

Ơi Võ Thanh Bình, Khua anom pơtô bruă ping gah hăng mơnuih ƀôn sang tơring čar, jao nao ngă khua ping gah phường Phan Thiết, rơwang bruă thun 2025-2030. Ơi Bùi Huy Thành, Khua Gơnong bruă Djuai ania hăng tơlơi đăo glăi ngă khua anom pơtô bruă ping gah hăng mơnuih ƀôn sang tơring čar. Ơi Tôn Thiện San, Khua gơnong bruă Prăk kăk ngă khua Gơnong bruă Gru grua, Pơrơguăt drơi jăn hăng Tuai čuă ngui; ơi Lê Ngọc Tiến, Khua gơnong bruă Man pơdong ngă khua gơnong bruă prăk kăk tơring čar ; yă Nguyễn Thị Thu Hường, Khua ping gah, khua jơnum min pơ ala mơnuih ƀôn sang să Quảmng Sơn glăi ngă Khua gơnong bruă Djuai ania hăng Tơlơi đăo; ơi Lê Ngọc Quang, Kơ-iăng khua anom pơtô bruă ping gah hăng mơnuih ƀôn sang tơring čar glăi ngă kơ-iăng khua gơnong bruă Gru grua boh thâo, pơrơguăt drơi jăn hăng Tuai čuă ngui tơring čar.