Amăng mông mă bruă hăng 5 boh phương, anun lĕ Xuân Hương-Đà Lạt, Cam Ly-Đà Lạt, Lâm Viên-Đà Lạt, Xuân Trường-Đà Lạt, Lang Biang-Đà Lạt, khua mua Jơnum min mơnuih ƀon sang tơring čar Lâm Đồng rơkâo bruă dưm dăp kiăng hơmâo tơlơi yak nao sui pơ anăp, lăng tơlơi dưi mơnuih ƀôn sang ngă akŏ phun, hơkrŭ hĭ hơdôm anŏ aka ƀu lăp djơ̆ amăng dưm dăp man pơdong plơi prong Đà Lạt hlâo thun 2025.

Mơng hơduah ĕp, 5 boh phương jê̆ giăm Đà Lạt hơmâo rơkâo pơplih lu boh tơhnal yôm phun, jơlan gah pok prong plơi prong anăp nao gah Yŭ hăng gah Ngŏ, kơsem min anih gah yŭ ƀơi kual tong krah Hòa Bình kiăng pơhrua anih pioh rơdêh hăng anih anih sĭ mơdrô; anăp nao pơđĭ kyar plơi prong agaih rơnăk, pơlir hăng tuai čuă ngui klă hloh, ngă hmua yua boh thâo phrâo hăng wai lăng glai rưng…Him lăng bruă dưm dăp plơi pla mơng 5 boh phương Đà Lạt amra mơ-it nao Ding jum man pơdong sem lăng amăng blan 8 pơ anăp./.