Dua ară jơlan anai tơkuh nao rai glông 200 km, tơdơi kơ pơgiong amra tơkuh nao rai plơi prong Đà Lạt (Lâm Đồng) hăng ƀôn prong Hồ Chí Minh hăng hơdôm boh tơring čar Ngŏ dơnung. Ră anai dua ară jơlan anai lêng glăk bưp sa, dua tơlơi gun anun lĕ abih tih rơnoh prăk tuh pơ alin prong ba truh kơ bruă jao prăk sui (rơbêh 20 thun), ƀu pơhưč hơdôm anom bruă tuh pơ alin hăng hơdôm khul grup brơi čan prăk, sit biă ñu lĕ hơdôm akŏ bruă tuh pơ alin tui hơdră kơnuk kơna hăng anom bruă hajăn.

Kơ-iăng Khua khul wai lăng akŏ bruă man pơkra jơlan tơring čar Lâm Đồng Võ Ngọc Phát brơi thâo, ră anai anom bruă hơdôm anih anom bơdjơ̆ nao glăk đing nao pơsir hĭ tơlơi gun, rơkâo đĭ hơdôm hơdră pơsir tañ hloh ngă hră pơ-ar kiăng hơdôm ară jơlan rơdêh đuăi hmar dưi man pơkra hlâo lơ 30/4 pơ anăp.