Anai lĕ tơlơi rơkâo hơmâo ba tơbiă amăng Jơnum tal 5 Khul apăn bruă Ping gah Jơnum min mơnuih ƀon sang tơring čar Lâm Đồng rơwang thun 2025-2030 phrâo pơphun. Amăng 6 blan akŏ thun 2026, mah dong ƀơi anăp kơ lu tơlơi tơnap tap, tơlơi lông samơ̆ Lâm Đồng ăt hơmâo lu tơlơi dưi prong amăng djop mơta bruă. Pơhrui ngăn drăp giăm 18.600 klai prăk, bơkơnar 54% tui mrô pơkă amăng tơring čar. Đơ đam tơring čar hơmâo rơbêh 2.600 anom bơwih ƀong sĭ mơdrô čih anăn akŏ pơjing phrâo hăng abih tih prăk yua rơbêh 12.000 klai prăk.

Mrô tuai čuă ngui nao pơ tơring čar Lâm Đồng dưm dưm giăm 12 klăk wŏt, đĭ 18% pơhmu tui tơđar thun hlâo. Ơi Hồ Văn Mười, Khua Jơnum min mơnuih ƀon sang tơring čar Lâm Đồng rơkâo djop grup Ping gah, mơnuih apăn bruă, mơnuih Ping gah ngă tui pran gơgrong, kơtưn gum pơgôp, gơgrong, gir run ngă tui tơlơi glăm ba; đing nao ngă ha amăng plĕ hơdôm hơdră bruă kiăng pơgiong hơnong pơkă pơđĭ kyar bơwih ƀong huă dua mrô amăng thun 2026.