Ƀơi mông jơnum, ƀing khua mua hmư̆ tơlơi čih ră ruai hơdor glăi jơlan nao, črăn ngă bruă hăng anŏ pơđĭ kyar mơ̆ng tơhan pơgang rơnuk rơnua mơnuih ƀôn sang djop plơi pla, mơ̆ng asar pơjeh tal blung amăng tơdron blah anih hơkrŭ Kual VI, hơdôm thun 1960 truh pơ jing khul tơhan ngă bruă sit nik blah kơtang, beč bal ră anai.

Đĭ pơhiăp ƀơi mông jơnum, khua tơhan Thiếu tướng ơi Trương Minh Đương, Khua sang bruă tơhan kông an Lâm Đồng, rơkâo djop khul ling tơhan pơgang rơnuk rơnua khom tong ten hăng ping gah, kơnuk kơna laih anun mơnuih ƀôn sang; pơđĭ kơtang pran jua tơlơi khin hơtai bruă kơđi čar, tơlơi thâo amăng bruă mă, ngă pô boh thâo ia rơgơi, akŏ pơdong ling tơhan khin hơtai rơgoh, tơpă, kơjăp kơtang, kiăng ngă djơ̆ tơhnal pơkă bruă pơgang tơlơi rơnuk rơnua amăng dêh čar rơnuk phrâo. Ƀrô djơ̆ tal anai, lu khul grup, mơnuih mă bruă hur har dưi tŭ mă Miđai pơgang Lŏn ia hnơ̆ng klâo, Hră apah bơni mơ̆ng Khua dêh čar, Ding jum kông an hăng Jơnum min mơnuih ƀôn sang tơring čar Lâm Đồng.