Lâm Đồng kơtưn sem lăng bruă mă sĭ mơdrô ia săng, ia jâo
Thứ tư, 14:56, 15/03/2023
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV4.Jarai-Lơ 14/3, Jơnum min mơnuih ƀôn sang tơring čar Lâm Đồng ngă hră pơtrun akŏ pơjing Grup hyu sem lăng mơ̆ng lu anom bruă ngă hrom, hyu ĕp bruă mă pơdŭ pơgiăng, sĭ mơdrô ia săng, ia jâo kơtưn pơgăn tơlơi sĭ mơdrô pleč ƀlor, rơngiă prăk duh jia.
Tui hăng anun, Grup lu anom bruă ngă hrom hyu sem lăng tơring čar Lâm Đồng hơmâo tơlơi dưi gang (pơgăn) rơdêh pơdŭ pơgiăng ia săng, ia jâo ƀơi djop jơlan nao rai amăng tơring čar pioh pel ĕp. Sit ƀuh tơlơi ngă soh, grup hyu mă bruă dưi pơđar pô mơgăt rơdêh anun glăi pơ sang bruă duh jia kơnuk kơna giăm hloh pioh sem lăng tong ten hăng pơsir tơlơi soh, ngă hră kơnôl tui tơlơi phiăn pơtrun.
Grup hyu sem lăng, amra ngă bruă hrơi mlam pơblih nao rai, hrơi blan pơkă ngă bruă mơ̆ng lơ 1/4 truh abih blan 12 thun 2023. Lâm Đồng ră anai hơmâo 330 boh sang sĭ mơdrô ia săng, ia jâo yua kơ 220 pô sang bruă ngă pô sĭ mơdrô.
Viết bình luận