Akŏ bruă jao rơnoh prăk tuh pơ alin kơ bruă čar thun 2026 ƀơi Lâm Đồng dưi hơmâo khua dêh čar jao lĕ 14.900 klai. Truh plah wah blan 6 rơgao, tơring čar anai mă yua kiah hơmâo 2.074 klai prăk, aka djop 14% ôh tui hăng akŏ bruă.

Phun ñu yua lu kơčăo bruă mơ̆ng hlâo aka ƀu giong, jao glăi ngă kaih đơi, prăp lui tuh pơ alin, pơklaih ala lŏn, ngă pơgiong hră pơar tui tơlơi phiăn pơkă; bruă hơdai gum hrŏm djop sang bruă tơdơi kơ pơmut glăi aka ƀu sa hnơ̆ng ôh. Khua git gai ping gah tơring čar Lâm Đồng, Y Thanh Hà Niê Kdăm lăi: bruă ba yua rơnoh prăk tuh pơ alin kơ bruă čar sa amăng hơdôm bruă ngă rơnang hloh ƀơi tơring čar. Ñu pơtrun hiăp brơi gong gai kơnuk kơna dua gưl hăng djop sang bruă khom pơsir hĭ anŏ gun kiăng pơtrut hmar hơdôm kơčăo bruă phun, pơsir hĭ hơdôm kơčăo bruă aka ngă giong mơ̆ng hlâo, kiăng pơđĭ kơtang boh tŭ yua lơ̆m ba yua prăk tuh pơ alin kơ bruă čar.