Tui lăi pơthâo, 6 blan rơgao, tơlơi bơwih ƀong huă-mơnuih mơnam mơng Lâm Đồng tŏ tui ba glăi boh than klă samơ̆ ăt dŏ lu tơnap tap. Pơđĭ kyar GRDP him lăng giăm 8%, aka ƀu djơ̆ hăng mrô ba tơbiă lĕ 9,3%; kual tuh tia pơkra ming-man pơdong hăng bơwih bơwang đĭ aset ƀiă hơnong pơkă. Rơnoh sĭ mơdrô pơ tač rơngiao hrŏ trun pơhmu tui tơđar; ngăn rơnoh tuh pơ alin man pơdong phrâo giăm 14% mrô pơkă, pơplih ngă hră pơ-ar, pơplih mrô ƀơi sa, dua boh ƀon lan dŏ kaih, aka ngă ha amăng plĕ.

Jơnum đing nao sem lăng, pơčrông sai hăng tŭ yap 24 tơlơi pơtrun kơ tơhnal pơkă, hơdră pơđĭ kyar bơwih ƀong huă- mơnuih mơnam, tuh pơ alin man pơdong, pơhrua ngăn rơnoh, djru brơi mơnuih mơnam hăng bruă mă mơng gong gai ƀon lan; laih dong anăp nao bruă ruah mơnuih apăn bruă tui tơlơi glăm ba, tơña hăng lăi glăi hăng hơdôm bruă mơnuih ƀôn sang đing nao. Jơnum anai pơphun truh abih kơnôl 2/7.