Ƀơi mông pơphun bruă, phương pơƀuh 5 grup hlăk ai djru bruă, hơmâo: pơtô mơnuih ƀôn sang yua boh thâo mrô; djru pơmut, mă yua VNeID; djru brơi hră căn cước, mrô anăn amăng điện tử kơ čơđai sang hră; pơtô mă yua ngă hră amăng plang internet; sem lăng, čih glăi hơdôm tơlơi aka ƀu rơđah mơ̆ng mơnuih ƀôn sang amăng bruă mă yua boh thâo mrô.

Rim grup hơmâo tơhan kông an hăng hlăk ai. Tui hăng ayong Nguyễn Thanh Huy Hoàng, Khua grup hlăk ai Kông an phường Xuân Trường - Đà Lạt, bruă anai hơmâo ngă djơ̆ lăp, dưm kơnar, pơtrut boh tŭ yua mơ̆ng hơdôm grup boh thâo mrô djru ba ană plơi tui jơlan ngă bruă “Nao tơl sang, pơtô brơi rim čô mơnuih”, biă ñu djru ba ƀing tha, mơnuih ƀu thâo yua măi mok boh thâo phrâo./.