Kơčăo bruă anai hơmâo prăk tuh pơ alin giăm 10.000 klai, hlông 145km, hơmâo 6 glông rơdêh đuăi, man pơdong 2 boh tơdrông tơtua Phú Hải hăng Cà Ty hrŏm hăng giăm 85 ha lŏn giăm ia rơsĭ. Pô tuh pơ alin kiăng ngă hră pơ-ar, pơdah pơ Khul wai lăng bruă tuh pơ alin man pơdong mrô 2 hlâo kơ kơnôl 30/9/2026.

Lơ̆m pơkra giong, jơlan anai amra pok prong anih anom plơi prong hiam hloh, pơtruh glông jơlan, pơtrut đĭ kyar čơkă tuai hyu ngui, bơwih bơwang sĭ mơdrô, laih anun pơđĭ tui anŏ klă mă yua lŏn ter hang ia rơsĭ. Jơnum min mơnuih ƀôn sang tơring čar Lâm Đồng jao kơ hơdôm gơnong bruă bơdjơ̆ nao sem lăng hơdôm anŏ tơnap, tơlơi gun amăng bruă ngă, pơsit rơđah lŏn tơnah hơmâo mă prăk yua lŏn, prăk apah lŏn, pơsit nua lŏn kiăng tla prăk, sĭ lŏn tui hơdră pơjuă nua či mă prăk pioh man pơkra jơlan./.