Hơdôm anom bơwih ƀong ba hyu tuai ƀơi ƀon prong Hồ Chí Minh, Hà Nội, Đà Nẵng hăng tơring čar Quảng Ninh hơmâo hyu sem lăng, čuă ngui laih pơ hơdôm anih čuă ngui hmư̆ hing hloh mơng Dak Lăk kah hăng: anih hyu ngui tơdrông akă yôl Buôn Đôn, đang glai York Đôn, hyu lăng kru rơman, dŏ jê̆ giăm rơman; tuah gai song găn nao ia krông Sêrêpôk; nao lăng čư̆ boh pơtâo rơman ania, Dơnao Lăk; nao čuă đang phun ca cao hăng hyu čuă ngui amăng plơi pla, čuă anih gru đưm.

Hơdôm grup hyu dlăng lăng sang jưh tuai mơng 3 truh 5 asar pơtŭ ƀơi tơring čar Dak Lăk laih anun kĭ hră ngă hrŏm hăng hơdôm anom bơwih ƀong sĭ mơdrô gah tuai hyu ngui ƀơi Dak Lăk. Tơdơi kơ 4 hrơi hyu čuă lăng, yă Nguyễn Huyền Trang mơng Hà Nội lăi kiăng ngă hrŏm hăng hơdôm boh tơring čar ieo gah či pơphun hyu ngui mơng tơring anai truh pơ tơring pơkŏn hlao, kiăng tuai dưi hyu lăng lu hloh.