Ƀơi mông bưp, khua pơ ala mơ̆ng hơdôm anom bruă lăng yom, pơpŭ biă tơlơi gơgrong bruă mơ̆ng Gong phun jua pơhiăp Việt Nam amăng bruă pôr pơhing; laih dong bơni hơ-ơč kơ ƀing khua, ƀing hyu mă tơlơi pơhing, dăp hơdră, ƀing pơhrip jua pơhiăp, gư̆ măi mok mơ̆ng Gong phun ƀrô Hrơi hră pơhing ngă hơkrŭ Việt Nam.

Pơ ala kơ khua mua Gong phun jua pơhiăp Việt Nam, ơi Ngô Minh Hiển, Kơ-iăng khua Gong phun jua pơhiăp Việt Nam hăng ơi Nguyễn Văn Chí, Kơ-iăng khua ping gah mơ̆ng Gong phun jua pơhiăp bơni kơ tơlơi lăng ba, khăp ƀu-eng hăng hơdôm tơlơi bơni hơ-ơč hiam mơ̆ng hơdôm anom bruă; laih dong pơsit GPJPVN amra pơtrut tui gru grua 101 Hră pơhing ngă hơkrŭ Việt Nam, ƀu pơdơi pơplih phrâo, pơđĭ tui anŏ klă pôr pơhing, djơ̆ hăng bruă kiăng ngă pơ anăp./.