Tui akŏ bruă mơng Ding jum pơtô pơjuăt, hơnong pơkă mơng “Hơdră pơđĭ kyar pơtô pơjuăt rơwang trun thun 2030, anăp nao thun 2045” lĕ pơđĭ kyar ană mơnuih Việt Nam djop mơta, ngă tui tơlơi dưi, tơlơi pơčeh mơng rĭm čô mơnuih…Pơjing bruă pơtô pơjuăt pok phư, tong ten hăng bơkơnar, djru pơtô hrăm na nao, anăp nao hơnong pơkă djơ̆ hloh, pơplih phrâo, ngă pô, mơnuih mơnam hăng mut hrŏm jar kmar, truh thun 2030 dưi đĭ ƀiă amăng kual Asia.

Đĭ pơhiăp amăng mông jơnum, Kơ-iăng khua dêh čar lăi pơtong, kiăng gir run anăp nao brơi djơ̆, laih dong dưi tŭ mă anŏ phrâo, lăp djơ̆ hăng pơplih phrâo. Bruă pok pơhai hơdră anai kiăng hơmâo tơlơi mut hrŏm mơng djop anih anom, amăng anun hơmâo khul grup, anom bruă hơjăn kiăng hrŏm hă3ng kơnuk kơna tuh pơ alin lu ƀiă, tŭ yua brơi pơtô pơjuăt. Laih dong, kiăng lăng nao bruă bơwih ƀong huă, hơdôm gơnong bruă tuh tia pơkra ming pơgi kơdih, tơlơi gơgrong mơng hơdôm anom m bơwih ƀong sĭ mơdrô amăng mut hrŏm ngă tui hơnong pơkă, tơlơi rơkâo ba tơbiă hăng gơnong bruă pơtô pơjuăt.