Anai jing bruă kơđi čar, gru grua yôm, hơmâo lu khua mua mơ̆ng Ping gah, Kơnuk kơna, hăng khua mua mơ̆ng tơring čar. Anai jing tơlơi jơnum yôm biă mă hăng Ping gah, gong gai hăng mơnuih ƀôn sang djŏp djuai ania amăng tơring čar. anai jing hrơi mông či pơpŭ bơni, lăp hơdor kơ ƀing blung a gum pơgôp amăng bruă ngă truh kih, hơdôm tơlơi dưi ngă amăng rơbêh 20 thun rơgao mơ̆ng tơring čar Dak Nông.

Laih dong, râu mơdưh pran jua pơ-ư ang djuai ania; hơkrŭ kjăp tơlơi đăo kơnang, pơtrut pơsur ƀing khua, mơnuih ping gah hăng mơnuih ƀôn sang djŏp djuai ania amăng tơring čar pơtrut tui gru grua gum pơgôp, ha pran jua akŏ pơdong, pơđĭ kyar hăng pơgang lŏn ia plơi pla amăng rơnuk pơplih phrâo.