Amăng anun hmâo tơlơi gum pơhiăp kơ hơdôm bôh yôm djru kơ tal jơnum lok 5, Khua pơ ala mơnuih ƀôn sang tal 15 hăng pel ĕp, gum pơhiăp sa dua bôh yôm yôm phăn bơdjơ̆ nao bruă djuai ania. Nao pơhmư̆ hmâo Ding kơna Ding jum kơđi čar, Kơ-iăng Khua git gai wai lăng pơ ala mơnuih ƀôn sang Trần Thanh Mẫn.

Pơhiăp črâo ba mông jơnum, Kơ-iăng Khua git gai wai lăng pơ ala mơnuih ƀôn sang dêh čar ta ơi Trần Thanh Mẫn lăi rơđah, Ping gah hăng Kơnuk kơna lăng ba na nao, ba tơbiă hăng pok pơhai lu hơdră pơtrun, hơdră bruă djru djuai ania, djru pơjing tơlơi hơđong, pơđĭ kyar, pơđĭ dlông djop mơta amăng tơlơi hơdip mơda hăng pran jua kơ neh wa djop djuai ania. Pơdah rơđah tui Jơlan hơdră mơng Kơnuk kơna hăng pok pơhai lăng tui amăng krah rơwang bruă mơng Khua pơ ala mơnuih ƀôn sang bruă ngă tui Tơlơi pơtrun pơsit mrô 88 hăng Tơlơi pơtrun pơsit mrô 120 Pơsit Akô̆ bruă Abih bang hăng Hơdră pơtrun tuh pơplai Jơlan hơdră pơkă mơng dêh čar pơđĭ kyar bơwih ƀong, mơnuih mơnam kual neh wa djuai ania ƀiă hăng kual čư̆ siăng rơwang 2021-2030./.