Tui hăng Kông an tơring čar Dak Nông, hơdôm thun laih rơgao, ƀơi tơring čar hơmâo lu tơlơi truh rơngôt biă mă yua mơng phao pơkra mă, kah hăng: hyu đom bua lua pơnah kơ̆ pơnah djơ̆ mơnuih ngă djai, mă phao pơdjai mơnuih yua bơrơdjơ̆ sao, djă phao hyu dŏp gơnam arăng...Ƀơi anăp tơlơi anai, hrŏm hăng bruă pơtrut iâu pơthưr abih bang mơnuih ƀon sang pơgang rơnuk rơnua Lŏn ia, kông an tơring čar Dak Nông hơmâo hyu pôr pơhing, iâu pơthưr mơnuih ƀon sang jao glăi phao pơkra mă, bruă anai jing klă hiam laih.

Mơng thun 2022 truh ră anai, tơring čar hơmâo iâu pơthưr mơnuih ƀon sang jao glăi giăm 300 ƀĕ phao pơkra mă djŏp mơta, 4 ƀĕ phao tơhan, 1 ƀĕ phao mă yua ngui bơkơjăp drơi jăn, 1 boh rơnăt. Rơngiao kơ anun, tơhan kông an hơmâo mă pơhrui glăi 7 mơta gơnam pơkra phao, 200gr jrao ngă pơtuh, rơbêh 1.000 asar phao.