Pơplông tal anai hơmâo lu bruă ngă djă pioh gru grua hiam djuai ƀiă kah hăng atông čing ring hơgor, suang arap, pơplông pơrơguăt drơi jăn kơtang, pơplông hơtŭk riă, pơkra ming mơnong ƀong huă gru grua ƀong huă jơman hloh.

Anŏ kơđŏm amăng jơlan hơdră anai lĕ anih atông čing suang arap, hơmâo lu khul grup atông čing amăng tơring čar, kah hăng Grup Hoa Lang Biang, sang anŏ Gru grua hiam, Ƀon Dơng, Dă Mlôt, Jôrơng hăng ƀing gơyut Lang Biang….Hơdôm črăn tơlơi adoh suang hơmâo pơdah hăng lăi pơthâo rơnoh yom gru grua đưm hiam phara biă mă mơ̆ng djuai ania K’Ho pơgôp hrŏm ngă pơhưč ƀing tuai hyu ngui amăng dêh čar hăng mơ̆ng tač rơngiao.Tal pơplông anai pơhưč lu mơnuih ƀôn sang, tuai rơnguai hăng djop plơi pla djuai ania K’Ho mut hrŏm.