Amăng mông bưp, lu mơnuih pơ ala kơ mơnuih ƀôn sang bơngot tơdơi kơ pơmut 3 bôh tơring čar, sa dua mrô mơnuih apăn bruă ƀơi 2 bôh tơring čar Dak Nông hăng Bình Thuận amra nao pơ̆ anih mă bruă čar phun ƀơi plơi prong Đà Lạt, tơring čar Lâm Đồng pioh mă bruă.

Rơngiao kơ tơlơi tơnap nao rai, bruă pơsir tơlơi kiăng kơ anih dô̆, anih ƀong huă lĕ sa tơlơi ƀu amuñ ôh. Hrŏm hăng tơlơi rơkâo đĭ tơring čar khom hmâo jơlan gah pơsir lăp djơ̆, mơnuih pơ ala kơ mơnuih ƀôn sang Lâm Đồng rơkâo đing nao dong bruă pơgang pơgăn tơlơi hưp ƀong kông ngăn; pơsir tơlơi gơnam ngă mă ča, ƀu klă hiam...

Pơsit yôm hơdôm tơlơi gum pơhiăp, rơkâo đĭ hăng gum lăi mơ̆ng mơnuih pơ ala kơ mơnuih ƀôn sang, ơi Phan Đình Trạc pơtŏng sit bruă pơgang pơgăn hưp ƀong kông ngăn, tơlơi ngă soh phiăn hơdôm hrơi rơgao hmâo ngă klă biă, jing hmâo akô̆ tlôn hăng hmâo tơlơi pơblang phara ha jăn amăng kơdŏng pơgang hlôm hlâo. Tal anai, ơi Phan Đình Trạc jao 10 anung gơnam kơ hơdôm bôh sang anô̆ gah hơdră bruă ƀuh rơđah hloh ƀơi Đà Lạt./.