Amăng mông ngă lơphet, ƀing pơ ala mơnuih rơgơi “Iâu pơthưr pơtô ba mơnuih ƀôn sang” mơ̆ng Ling tơhan ƀuăn hăng Wa ngă tui na nao bruă iâu pơthưr pơtô ba mơnuih ƀôn sang mơ̆ng Ling tơhan amăng kual mơnuih ƀôn sang djuai ƀiă hăng čư̆ siăng; ngă truh kih bruă hơmâo jao kơ ling tơhan amăng rơnuk phrâo, rơnuk hrưn đĭ mơ̆ng djuai ania ta.

Hơdôm thun rơgao, bruă iâu pơthưr pơtô ba mơnuih ƀôn sang mơ̆ng Ling tơhan kual mơnuih ƀôn sang djuai ƀiă, čư̆ siăng hơmâo hơdôm puih kơđông tơhan ngă dưm kơnar, ƀơi abih bang, bang hyu djŏp anih. Khua mua, ling tơhan ƀu hŭi kơ glêh tơnap, glăi pơ plơi pla, ngă bruă “4 hrŏm” (ƀong hrŏm, dŏ hrŏm, mă bruă hrŏm, gum hrŏm pơhiăp tơlơi djuai ƀiă), ngă hrŏm kjăp hăng ping gah, gong gai plơi pla, pôr pơthâo, iâu pơthưr neh met wa gir đĭ kyar bơwih ƀong huă - mơnuih mơnam, akŏ pơdong anom bruă čar amăng plơi kjăp kơtang...Lu jơlan hơdră, hơbô̆ bruă klă, thâo pơčeh phrâo, tŭ yua, yôm biă amăng bruă kơđi čar - mơnuih mơnam laih anun bă blai tơlơi khăp pap...pioh glăi tơlơi lăp hơdor hiam kơ Ling tơhan rơnuk Wa Hồ amăng pran jua mơnuih ƀôn sang. Ƀơi mông ngă lơphet lăi pơhmư̆ kơ Wa Hồ, Ping gah khul ling tơhan, Ding jum Ling tơhan hơmâo apah bơni 35 grup hăng 80 čô mơnuih rơgơi “iâu pơthưr pơtô ba mơnuih ƀôn sang” mơ̆ng Khul tơhan kual mơnuih ƀôn sang djuai ƀiă hăng čư̆ siăng rơwang thun 2019-2024.