Ƀơi mông bưp, Khua dêh čar ơi Lê Minh Hưng pơsit: tơlơi rô nao rai Việt Nam - Khač glăk đĭ kyar kơtang, hơđong, jai hrơi dlăm hloh. Khač jing dêh čar ngă gŏp sĭ mơdrô prong hloh mơ̆ng Việt Nam; Việt Nam jing gŏp ngă hrŏm prong hloh mơ̆ng dêh čar Khač amăng kual ASEAN. Tơlơi pơhing kơ anŏ hmư̆ hing bơwih ƀong huă - mơnuih mơnam mơ̆ng Việt Nam thun blan rơgao, Khua dêh čar lăi, rơwang thun phrâo ƀu kơnong lăi nao kơ bruă ngă hrŏm tuh pơ alin “lu hloh” đôč ôh, ăt khŏm “klă hloh”, “tŭ yua, sit nik hloh”.

Khua dêh čar kiăng hơdôm sang bruă bơwih ƀong čar Khač tuh pơ alin anŏ klă, boh thâo phrâo, anŏ yom mơ̆ng gơnam hơmâo pơkra hăng pơčeh phrâo tơlơi rơgơi; pơtruh nao rai, ngă gêh găl brơi sang bruă mơdrô Việt Nam mut hrŏm ruăi pơkra gơnam ba sĭ; tuh pơ alin mơtah hơdjă, hơđong kjăp; lăng ba tơlơi hơdip mơnuih ƀôn sang, tơlơi dưi mơ̆ng mơnuih mă bruă hăng ngă klă bruă gơgrong hăng mơnuih tơpuôl. Kơnuk kơna Việt Nam amra pơhmư̆, gum hrŏm pơgang ba tơlơi dưi, tơlơi găl, lăp djơ̆ mơ̆ng sang bruă tuh pơ alin; ngă gêh găl kiăng sang bruă bơwih ƀong sĭ mơdrô tuh pơ alin, sĭ mơdrô truh kih, hơđong kjăp ƀơi Việt Nam./.