Ƀrô hơdor glăi hrơi bruă mă kơ mơnuih mơnam Việt Nam tal 7, mơguah lơ 23/3, ƀơi Hà Nội, Anom bruă Khul tơdăm dra rơnuk HCM ngă hrom Ding jum Bruă mă tơhan rơka hăng mơnuih mơnam jơnum bơkơtuai boh thâo phrâo jar kmar “Ngă giong tơlơi phiăn pơđĭ kyar bruă mă gah mơnuih mơnam ƀơi Việt Nam”. Hơdôm thun rơgao, Ping gah hăng kơnuk kơna ta hơmâo đing nao na nao, ngă hră pơtrun pơsir hơdôm tơlơi hơmâo amăng bruă mơnuih mơnam lơ̆m pơđĭ kyar. Hơdôm tơlơi pơtrun amăng tơlơi  phiăn hăng jơlan hơdră pioh kơ mơnuih mơnam dưi čih pơkra hăng pơhrua nao dơ̆ng tơlơi glăm ba, bruă gơgrong ngă wai lăng mơnuih mơnam kah hăng:

Tơlơi phiăn Mă bruă; Tơlơi phiăn Mơnuih tha rơma; Tơlơi phiăn mơnuih ƀu klă drơi jăn; Tơlơi phiăn Čơđai muai, Hră pơtrun mrô 20 mơ̆ng Kơnuk kơna pơkă kơ bruă djru mơnuih mơnam tơnap tap hăng lu mơnuih hơmâo anăn djru ba amăng mơnuih mơnam. Ƀơi mông bơkơtuai, lu mơnuih rơgơi kơhnâo, mơnuih kơhnăk lăi brơi bruă tom ngă, găn rơgao mơ̆ng jar kmar hăng bruă mă hơmâo sit biă amăng dêh čar Việt Nam kiăng ngă pơgiong hĭ tơlơi phiăn laih anun bruă mă wai lăng mơnuih mơnam; bơkơtuai kơ bruă mă mơnuih mơnam amăng bruă ia jrao, sang hră; anŏ yôm bruă ngă hrom hăng abih bang ană plơi pla pơđĭ kyar bruă mă pơgang ba čơđai muai.