Akŏ bruă sang măi apui lơtrik ayuh Ninh Thuận 1 ƀơi să Phước Dinh truh kơnôl 14/6 phrâo pơhrui glăi lŏn mơnai rơbêh 110 ektar, rơnoh prăk jao tuh pơ alin giăm 44%. Bruă pơhrui glăi lŏn mơnai bưp tơnap tap yua hră pơ-ar dưm dăp, hră pơ-ar lŏn mơnai hăng hră pơ-ar akŏ bruă pơčlah man pơdong ăt dŏ hơmâo tơlơi ngă soh, lŏn mơnai pioh mă yua. Ƀơi akŏ bruă Sang măi apui lơtrik ayuh Ninh Thuận 2 ƀơi să Vĩnh Hải, lŏn mơnai pơhrui glăi truh rơbêh 300 ektar, prăk jao trun rơbêh 1.200 klai prăk, truh rơbêh 74%.

Samơ̆, ăt dŏ rơbêh 40 anih kiăng tŏ tui pơsit tong hră pơ-ar brơi djơ̆ kiăng pơgiong hră pơ-ar tui tơlơi pơkă. Ƀơi anăp kơ tơlơi pơgô̆ ngă tañ, tơring čar Khánh Hòa rơkâo djop ƀon lan đing nao pơtum lu mơnuih mă bruă, pel ĕp rĭm bit anih tong ten kiăng pơsir hĭ tơnap tap, đing nao pơgiong hơdôm bruă dưi pơsir hĭ mơtăm. Hrŏm hăng anun, bruă pơdong brơi plơi pla phrâo kiăng pok pơhai ha amăng plĕ, pơhlôm brơi anih anom lăp djơ̆ hăng tơlơi hơdip bơwih ƀong huă hăng phiăn juăt mơng mơnuih ƀôn sang.