Pơ ala brơi ƀing khua pơ ala mơnuih ƀôn sang tơring čar Lâm Đồng, ơi Phan Đình Trạc lăng yôm hơdôm tơlơi pơgôp tơpă, glăm ba mơng mơnuih ƀôn sang. Laih dong, tŭ yap hơdôm tơlơi pơgôp hiăp mơ̆ mơnuih ƀôn sang lăi pơthâo hăng rơkâo đĭ gong gai ƀon lan kơ hơdră pơsir hơdôm boh tơhnal tui tơlơi glăm ba. Hăng hơdôm bruă pơmut tơring čar, gưl să, ơi Phan Đình Trạc pơsit tong tơlơi črâo trun ƀu djơ̆ kơnong ngă hơbot anih anom mă bruă, ngă bruă klă, tŭ yua đôč ôh mơ̆ ăt ngă gêh gal, tơlơi pơsur phrâo kiăng pơtrut pơđĭ kyar lŏn ia.

Ƀrô tal anai, ơi Phan Đình Trạc hăng ƀing khua pơ ala mơnuih ƀôn sang tơring čar Lâm Đồng jao 10 anung gơnam brơi hơdôm sang anŏ tui hơdră djru ba gru ƀơi să Bình Thạnh, tơring glông Đức Trọng.