Pơhiăp git gai ƀơi mông ngă bruă, ơi Phan Đình Trạc lăng yôm tơlơi hơmâo ngă mơng khua git gai črâo bruă mơng Khul khua apăn bruă Ping gah kơ bruă kơđi čar, pơplih tơlơi phiăn hăng bruă pơgang, pơgăn hưp ham ƀong kông ngăn, tơlơi soh sat.

Khua anom djru bruă Ping gah kiăng tơring čar Tây Ninh pơtă hlâo, pơƀut git gai, črâo bruă wai lăng rơnuk rơnua guai dêh čar, hơđong kơjăp plơi pla, tơlơi đăo, kông ñơn; pơtrut krăp lăng sŭ đah mơng wai lăng tơlơi dưi mơng ƀing khua amăng bruă ngă kơđi, pơsir kơđi. Ơi Phan Đình Trạc ăt kiăng tơring čar Tây Ninh kơđiăng bruă pel ĕp sem lăng, krăp lăng amăng anom bruă, thâo pơmin “lăng glăi, pơkra mă” hăng rim čô khua, mơnuih ping gah, hăng rim khul grup ngă bruă, biă ñu hơdôm anom bruă amuñ hơmâo tơlơi hưp ham ƀong kông ngăn, hơmâo tơlơi soh glăi.