Pơ ala kơ khua mua ping gah, kơnuk kơna hăng Jơnum min apăn bruă phun pơ ala mơnuih ƀôn sang dêh čar, Khua git gai pơ ala mơnuih ƀôn sang dêh čar ơi Trần Thanh Mẫn pơdah pran jua hơdor bơni biă mă kơ ƀing tơhan hơđăp, ƀing hơmâo ngă hơkrŭ djru kơnuk kơna hăng lăi pơtong, Trung đoàn 271, Kual ling tơhan Trị Thiên hơmâo djru hrŏm čih pioh lu amăng hră čih pioh gru phun kơ dêh čar, ră ruai glăi tơlơi khin hơtai ngă hơkrŭ, blah ayăt mơ̆ng ling tơhan, mơnuih ƀôn sang dêh čar, ƀing ngă hơkrŭ mơ̆ng khul ling tơhan Trung đoàn 271, Kual ling tơhan Trị Thiên ăt djă pioh, pơđĭ tui gru grua hing ang, ngă bruă hơkrŭ pơklaih rơngai lŏn ia, djuai ania djru hrŏm amăng bruă man pơdong lŏn ia truh ră anai;

Laih dơ̆ng pơtô hrăm gru grua sông kơtang khin hơtai mơ̆ng ling tơhan rơnuk Wa Hồ sa pran jua tơlơi pơmin bruă mă yom pơphăn “Tong ten hăng lŏn ia, tơpă hăng ping gah, thâo hơdor tơngia kơ mơnuih ƀôn sang” pơtô hrăm kơ djop gưl rơnuk čơđai muai thâo hluh dơlăm kơ bruă ngă khin hơtai, ƀu hŭi tơlơi tơnap tap, hrăm tui gru grua hiam mơ̆ng Trung đoàn 271 Kual ling tơhan Trị Thiên lăi pha hăng abih bang ling tơhan rơnuk Wa Hô hnun mơ̆n.