Hăng rơbêh 400 bơnah pok hla, hơdrôm hră anai ruah mă 51 mơta tơlơi čih, tơlơi đĭ pơhiăp amăng hơdôm rơtuh tơlơi čih đĭ pơhiăp mơ̆ng khua tơhan krên dên ơi Lương Cường amăng thun blan ñu ngă khua apăn bruă prong amăng ping gah hăng kơnuk kơna lơ̆n ia.

Boh yom phun hơdrôm hră anai lăi pơthâo tơlơi pơmin, lăng nao pơ anăp adih, sa bruă yom phun kơ lơ̆n ia. Hơdrôm hră anai in pơkra hăng lăi pơthâo amăng thun blan ping gah, mơnuih ƀôn sang, ling tơhan dêh čar hlăk pơtum ngă tui Hră pơtrun Jơnum ruah khua ping gah tal XIV, djru hrŏm ngă bang bơngač hloh, rơnoh yom hiam klă bruă hơkrŭ Việt Nam, pơbŭ đĭ pran jua thâo khăp kơ lơ̆n ia, tơlơi pơmin gir run hrưn đĭ pô hăng tơlơi kiăng prong hloh pơyơr pran jua, tơlơi kơtang gum pơgôp djuai ania amăng bruă man pơdong hăng Pơgang lơ̆n ia amăng rơnuk rơbâo rơbăn thun pơđĭ kyar phrâo.