Lŏk glăi tơlơi pơhiăp mơ̆ng Wa Hô, “Pran jua ƀing ơi ia jrao kah hăng pran jua sa čô amĭ hiam klă”, “Ơi ia jrao kah hăng amĭ hiam klă”, Khua git gai pơ ala mơnuih ƀôn sang dêh čar kiăng, ƀing ơi ia jrao khom thâo rơgơi amăng bruă mă laih anun hơmâo pran jua thâo khăp pap, thâo hluh tong ten tơlơi ruă nuă mơ̆ng ƀing duăm ruă kah hăng drơi jăn pô, mơnuih amăng sang anŏ pô; laih dơ̆ng ƀu pơdơi ôh hrăm pơđĭ tui tơlơi thâo amăng bruă mă, tơlơi pơjrao, hơdră mă bruă hơmâo tui hrăm amăng dêh čar ta pô hăng pơ tač rơngiao hai.

Tui hăng khua git gai pơ ala mơnuih ƀôn sang dêh čar ta lĕ, kiăng pơđĭ kyar kơtang hloh pơ anăp anai, Sang ia jrao Hữu Nghị kiăng ngă hrŏm lu sang ia jrao pơkŏn. Hrŏm hăng anun, ƀing ơi ia jrao, nai ia jrao, mơnuih mă bruă amăng sang ia jrao khom thâo gum pơgôp hloh kiăng dưi ngă boh tơhnal amăng thun 2025 klă hloh kơ thun 2024.