Hơdor glăi tal 133 thun hrơi tơkeng Khua mir sir Hồ Chí Minh, ƀơi sang adoh suang prong Hà Nội, Ding jum gru grua Pơrơguăt drơi jăn hăng Tuai čuă ngui pơphun jơnum jao pri apah bơni djă anăn Hồ Chí Minh, pri apah bơni prong hloh mơ̆ng Kơnuk kơna lŏn ia pioh kơ bruă čih pơčeh tơlơi hơ̆k hơr, adoh suang. Hăng pran jua mă bruă tơpă sit, hur har hloh mơ̆ng djop gưl khul ngă bruă, biă mă ñu Khul khua mua gưl kơnuk kơna, hơmâo 27 mơta tơlơi pơčeh phrâo, ruah mă ba tơbiă pioh sem lăng apah bơni hăng pri djă anăn Hồ Chí Minh hăng 144 mơta tơlơi pơčeh phrâo rơkâo apah bơni pri mơ̆ng kơnuk kơna lŏn ia kơ tơlơi hơ̆k hơr adoh suang djop anŏ pơkă, pơdah đĭ hăng Khua dêh čar laih anun ba nao kơ Khua mir sir apah bơni djă anăn Hồ Chí Minh.

Pri kơnuk kơna apah bơni thun 2022. Boh tơhnal hơmâo 17 čô pô čih pơčeh, khul čih pơčeh hrom dưi apah bơni, apah bơni glăi tơlơi bơni djă anăn Hồ Chí Minh gah tơlơi hơ̆k hơr, adoh suang. Pơhiăp ƀơi mông jơnum jao pri, Khua mir sir ơi Võ Văn Thưởng pơpŭ bơni, hok mơak hrom ƀing čih pơčeh, khul čih pơčeh, mơnuih sang anŏ pô čih pơčeh hơmâo tơlơi čih dưi apah bơni hăng anăn Tơlơi bơni Hồ Chí Minh, tơlơi bơni kơnuk kơna dêh čar gah bruă čih pơčeh hơ̆k hơr adoh suang thun 2022; ăt đăo kơnang, tơguan lăng hơdôm mơta tơlơi čih pơčeh phrâo hơ̆k hơr adoh suang lăp hăng bruă hơkrŭ mơ̆ng Ping gah laih anun mơnuih ƀôn sang ta.