Bơwih brơi kơ ring bruă pơkong ia Krông Pač gah hlao, mơ̆ng akŏ thun truh ră anai, anom bruă apui lơtrik Ea Kar, Dak Lak hlăk ngă hrom tong ten biă mă hăng djop sang bruă kơ bruă pơdŭ đuăi mơnuih ƀôn sang mơ̆ng anih hơđăp, pơdong plơi pla phrâo kơ mơnuih ƀôn sang să Čư̆ San, tơring glông Mdrak, nao dŏ pơ plơi mrô 2, să Čư Bông, tơring glông Ea Kar.

Tui hăng akŏ bruă mơ̆ng akŏ blan 2 truh abih blan 4/2023, amra hơmâo 488 boh sanganŏ dưi đuăi mơ̆ng anih ia lip Krông Pač gah hlao glăi dŏ pơ să Čư̆ Bông. Anom bruă apui lơtrik Ea Kar hơmâo pơphun dua grup mơnuih mă bruă djru kơ bruă pơdŭ pơgiăng mơnuih ƀôn sang đuăi dŏ plơi phrâo. Khul 1 djru ruh pưk sang mơ̆ng să Čư̆ San.

Khul 2 lĕ djru pơdong plơi pla pơ plơi pla phrâo Čư̆ Bông kiăng djru mơnuih ƀôn sang tañ hơđong tơlơi hơdip mơda, dŏ dong ƀong huă. Truh akŏ blan 3, lu tơhan djop anom bruă djru ba 46 boh sang anŏ, man pơdong sang anŏ kiăng hơđong pơ anih dŏ phrâo.