Tui hăng anun, djop anom bruă gah kông ty hơmâo pơtrut ngă tui hơdră pơkrem, ba yua boh thâo ia rơgơi wai lăng apui lơtrik, ngă tui lu hơdră pơgăn anŏ huač rơnoh apui lơtrik pơkĕ yua rĭm hrơi, kiăng djơ̆ găl hăng ayuh hyiăng bruă mă. Lu sang bruă pơkĕ hrom hrĕ apui lơtrik pơhrŏ boh ƀiă 80% rơnoh pơkĕ phrâo.

Rơnoh prăk ba yua rĭm wơ̆t kơ bruă jơnum bơkơtuai, yua prăk blơi ia săng, pơkĕ apui lơtrik, ia yua, blơi hră pơar...dưi pơkrem mơ̆n, mă yua djơ̆ hơdră. Bruă tuh pơ alin man pơdong pơkă hnong, ĕp lăng bruă yôm, phun kah hăng tuh pơ alin djơ̆ hơdră. Hrom hăng anun, anom bruă apui lơtrik ăt pơtrut bruă pơtô pơblang, pôr tơlơi pơhing hăng pơtô brơi mơnuih ƀôn sang ba yua apui lơtrik thâo pơkrem, tŭ yua.