Tơring čar Kon Tum ră anai hơmâo 5 anom bruă ding kơna hơdôm grup bơwih ƀong huă, kông ti, sang bruă prăk sĭ mơdrô kơnuk kơna hơmâo grup Ping gah hăng 360 čô mơnuih apăn bruă Ping gah ƀon lan. Laih dong, ƀơi tơring čar hơmâo 9 anom bruă gah grup, kông ti hơmâo khul grup Ping gah amăng gưl Ping gah ƀon lan hăng abih tih 536 čô. Tui pel ĕp brơi ƀuh, hơdôm Ping gah amăng Ping gah khul bơwih ƀong sĭ mơdrô kơnuk kơna hơmâo git gai djop gưl Ping gah ƀon lan pok pơhai klă bruă gum hrŏm hăng Ping gah tơring čar Kon Tum. Gum hrŏm tŭ yua hơdôm bruă pơjing khul grup kơđi čar-mơnuih mơnam, mut hrŏm hơdôm tơlơi pơphun lăp djơ̆  hăng bruă mă mơng anom bơwih ƀong sĭ mơdrô…

Ƀrô tal anai, Ping gah khul anom bơwih ƀong sĭ mơdrô kơnuk kơna jao 100 boh sang khăp pap brơi sang anŏ ƀun rin ƀơi 2 boh să tơnap tap lĕ Mường Hoong hăng Ngọc Linh, tơring glông Đăk Glei, hăng abih tih nua ñu 6 klai prăk.