Tui hăng akŏ bruă, amra hơmâo 8 anih, hăng giăm 1.000 čô khua ngă bruă pel ĕp krăo lăng hơmâo pơtô brơi kiăng rơguăt bruă hloh, hyu hơduah ĕp, sem lăng hăng bơtơhmal mơng Ping gah thun anai. Anih hrăm hrơi anai jing anih hrăm blung amăng thun 2023, hăng rơbêh 100 čô khua ngă bruă hyu hơduah ĕp, krăp lăng mơng hơdôm khul grup ping gah, dong amăng 34 anom bruă ping gah gưl prong hloh kơ plơi pla amăng Ping gah Khul hơdôm anom bruă nao pơhmư̆.

Ơi Đỗ Việt Hà, Kơ-iăng khua git gai Ping gah Hơdôm anom bruă Kơnuk kơna kiăng ƀing khua nao hrăm, kiăng pơƀut hrơi mông hrăm hră, tơña nao rai, pơhiăp tom hăng ƀing lăi pơthâo glăi tơlơi hrăm đah mơng ngă rơđah hơdôm tơlơi mơ̆ dŏ aka ƀu thâo hluh, hơdôm bruă kiăng ngă rơđah hăng tơlơi thâo rơgơi pơsir hĭ hơdôm tơlơi juăt bưp, lăi pơthâo brơi hơdôm tơlơi bơdjơ̆ nao.