Thun 2024, Khul apăn bruă Ping gah ling tơhan, anom bruă git gai tơhan Quân Khu 5 hơmâo git gai, črâo ba ling tơhan Quân khu 5 pok pơhai ngă tui khut khăt, ha amăng plĕ, ba glăi tŭ yua hơdôm tơlơi pơtrun, tơlơi črâo trun, akŏ bruă yôm phun mơng Ping gah ling tơhan gơnong glông, Ding jum ling tơhan kơ bruă jao ling tơhan, bruă wai pơgang lŏn ia amăng rơnuk phrâo. Quân khu 5 gum hrŏm hăng hơdôm boh tơring čar, ƀôn prong git gai pơjing kual wai pơgang, ring bruă akŏ phun jai hrơi pơplih phrâo.

Đĭ pơhiăp amăng mông jơnum, Thượng tướng Hoàng Xuân Chiến, kơ-iăng khua ding jum ling tơhan rơkâo đing nao bơwih brơi, pơjing ling tơhan Quân khu 5 jai hrơi hơđong kjăp djop mơta kơ bruă kơđi čar, tơlơi pơmĭn bruă mă, lăp djơ̆ hăng tơlơi rơkâo bruă jao amăng rơnuk phrâo. Pơtô glăi gru grua 80 thun mơng Ling tơhan hăng prap lui 80 thun gru grua mơng ling tơhan Quân khu hăng hơdôm bruă pơprong amăng lŏn ia brơikơ klă hloh kiăng ngă tui pran gơgrong bruă kơđi čar kjăp phik ƀơi anăp djop tơlơi tơnap tap.