Nao hrăm hơmâo giăm 60 čô mơnuih mă bruă, jing mơnuih dăp hră pơhing, ƀing hyu mă tơlơi pơhing, ƀing pơhrip jua pơhăp mơ̆ng Gong phun jua pơhiăp dêh čar Việt Nam laih dong anom bruă čih tơlơi pơhing ƀơi tơring čar Dak Lăk, kual Dap Kơdư. Ƀing nao hrăm hơmâo hmư̆ lu tơlơi pơtô yom biă kah hăng: Tơlơi pơmin pơkra podcast, hăng pô dŏ pơhmư̆ podcast; dăp hơdră hlâo, prăp rơmet jơlan či pơkra rai sa podcast; hrăm čih tơlơi čih lăi blung a, intro, outro; tơlơi yom mơ̆ng pô pơtui jua pơhiăp; mă yua jua mơñi goong brô̆, jua pơhiăp, jua mơñi mơ̆ng anih ta nao mă tơlơi pơhing amăng podcast; ruah mă format lăp djơ̆.

Yap truh ră anai, anih pơtô hrăm ƀơi kual Dap Kơdư jing anih hrăm tal 5 laih. Mơ̆ng anun, hơmâo giăm 3000 čô mơnuih hyu mă tơlơi pơhing, ƀing dăp hơdră, pơtui jua pơhiăp; ƀing apăn bruă boh thâo măi mok, pơhrip jua pơhiăp mut hrăm, pơtŏp rơguăt pơkra podcast tơnap hloh./.