Pơgiong jơlan pơkuh nao rai jơlan mrô 14 nao pơ amăng jang Ba Prăng (Dak Nông)
Thứ ba, 10:30, 23/05/2023
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai - Tơring čar Dak Nông phrâo tŭ yap hăng mă yua ară jơlan pơkra ming, pok prong dong mơng jơlan mrô 14 truh pơ amăng jang Bu Prăng.
Ară jơlan yôm phun kiăng pơđĭ kyar bơwih ƀong huă, pơhlôm rơnuk rơnua kual giăm guai amăng tơring čar. Ară jơlan anai glông 38 km gah ring bruă djru pơđĭ kyar kual giăm guai Akŏ bruă anet tơring čar Dak Nông, hrŏm hăng bruă pơkra ming jơlan glông, hơmâo rơnoh prăk tuh pơ alin 426 klai prăk mơng sang bruă prăk pơđĭ kyar kual Asia (ADB).
Akŏ bruă anai pok man pơkra mơng blan 8/2020, găn nao hơdôm boh să Nâm N’Jang, Dak N’Drung (tơring glông Dak Song) hăng Dak Buk So, Quảng Trực (Tuy Đức). Tui ơi Hà Sỹ Sơn - Kơ-iăng khua gơnong bruă wai lăng jơlan glông Dak Nông, kiăng djru pơđĭ kyar bơwih ƀong mơnuih mơnam kual ƀon lan, giăm guai, thun 2023, tơring čar glăk tŏ tui tuh pơ alin rơbêh 700 klai prăk man pơkra ming, pơkuh nao rai hơdôm ară jơlan.
Viết bình luận